सुनिल स्मृति गाउँपालिका अध्यक्ष गुणेन्द्र घर्तीले आज वडा नम्वर २ स्थीत श्री ज्ञानोदय आधारभूत विद्यालय महेन्द्री र ज्योति प्रकाश माध्यामिक विद्यालय हरिगाउँको विद्यालय अनुगमन तथा निरिक्षण गर्नु भएको छ, अनुगमनको क्रममा अध्यक्ष घर्तीले विद्यालयको भौकितक अवस्था, प्रशासनीय अवस्था र विद्यार्थीहरुको गुनासो समेत सुन्नु भएको थियो । तहाँ देखिएका समस्यालाई सम्वोधन गर्ने गरि प्रसासनिक तर्फ देखिएका समस्या माथि अध्यक्ष घर्तीले सुझाव, सल्लाह समेत दिनुभएको थियो ।
ज्योति प्रकाश माध्यामिक विद्यालय हरिगाउँमा अध्यनरत विद्यार्थीहरुसँग अध्यक्ष घर्तीले लामो छलफल समेत चलाउनु भयो । छलफलका क्रममा विद्यार्थीहरुले अध्यक्षसंग राखेको मागहरु प्रति अध्यक्ष घर्तीले विद्यालय प्रसासन शाखा, वडा सदस्यबाट हुने काम त्यहि समाधान गर्न निर्देशन दिदै गाउँपालिकाले गर्ने काममा आफु तुरुन्तै समस्या समाधान गर्ने कुरा समेत व्यक्त गर्नुभयो । अध्यक्ष घर्तीले भन्नुभयो, सरकारी विदा वाहेक राजनैतिक दवावमा कुनैपनि हालत विद्यालय वन्द नगर्न समेत निर्देशन दिनुभयो ।
त्यस्तै गरि आज वडा नम्वर २ लामाचौर स्थीत सुधारीएको गाउँघर क्लिनिकको समेत अनुगमन गरिएको छ । अनुगमनका क्रममा तहाँको सेवाको अवस्था र सेवाग्राहीहरु सँग समेत अध्यक्ष घर्तीले जानकारी लिनुभएको थियो ।